Աշխարհի բոլոր քաղաքներում մարդու կողմից ստեղծվում են կանաչապատ տարածքներ, որոնք ունեն ինչպես բնապահպանական, այնպես էլ գեղագիտական նշանակություն: Երևանում տարեցտարի կանաչ տարածքները կրճատվում են, որոնց փոխարեն վեր են խոյանում բարձրահարկ շենքեր: Աշխարհի բոլոր երկրներում կառուցվում են շենքեր, սակայն ոչ կանաչ տարածքների հաշվին: Չգիտես ինչու, Երևանում մարդիկ փորձում են օգտագործել յուրաքանչյուր քառակուսի մետր բիզնեսի նպատակով` կառուցելով տարատեսակ սրճարաններ, խանութներ և այլն: «Կանաչների միություն» ՀԿ-ի նախագահ Հակոբ Սանասարյանի կարծիքով` Երևան քաղաքը հիմնականում ընդլայնվեց կանաչ տարածքների հաշվին, այդ իսկ պատճառով Երևանում կանաչապատ տարածքների թիվն անհամեմատ փոքր է: Թամանյանի նախագծով` Երևանը նախատեսված էր մոտավորապես 300.000 մարդու համար: Իսկապես, 300.000 մարդու համար քաղաքը շատ հարմար կլիներ, սակայն ոչ 3 մլն մարդու համար: Բնակչության աճի հետ մեկ տեղ շատանում է նաև մթնոլորտ արտանետված վնասակար նյութերի քանակը, հանքավայրերի թիվն էլ երկու տասնյակից ավելի է: Դա պետք է կոմպենսացվի կանաչ տարածքների շատացմամբ, ինչը չի արվում: Ըստ միջազգային նորմերի, յուրաքանչյուր մարդուն բաժին է հասնում 21ք/մ կանաչապատ տարածք, իսկ երևանում այդ թիվը բավականին ցածր է՝ 7,8 ք.մ:
Բացի այդ կանաչապատմանը խոչնդոտելու բազում արհեստական պատճառներ են առաջ քաշում: Օրինակ, որ աշխատողները չեն վարձատրվում աշխատանքային ժամանակից դուրս կատարված աշխատանքի համար, որոշ շրջանների էլ կանաչապատման գումար չի հատկացվում, քանի որ նրանք ինչ որ պարտքեր ունեն, հատկացված գումարի դիմաց էլ կատարվում է անհամեմատ քիչ աշխատանք: Կամ ում է պետք նոր տնկած այգիները, եթե միևնույն է տնկելուց հետո չեն ջրում ու խնամում: Տնկում են այնպիսի ծաղիկներ, որոնց կյանքի տևողությունը շատ կարճ է, որպեսզի որոշ ժամանակ անց էլի կանաչապատման հայտ ներկայացնեն և էլի կատարեն հատկացված գումարի կեսից քչի չափով աշխատանք:
Բացի մաքուր օդ պարգևելուց, կանաչապատման շնորհիվ Երևանում շոգ ամառները ավելի թեթև կանցնեն, քանզի մենք կքայլենք ծառերի տակով: Մարդիկ, տեսնելով գեղեցիկ կանաչ այգիներ ձեռք կբերեն սեր դեպի բնություն, կշատանա առողջ ապրելակերպով զբաղվողների թիվը: Մարդիկ սրճարաններում նստելու փոխարեն կնախնտրեն զբոսնել այգում, հետ չքաշվելով մարդաշատության պատճառով այգիներում տիրող աղմուկից:
Այս ամենին հասնելու համար մեզնից ամենաքիչը մի բան է պահանջվում՝ չվնասել բույսերը, խնամել մեր տան, դպրոցի, աշխատավայրի շրջակայքում աճող բուսականությունը: Եվ իհարկե բույս տնկելուց ընտրել Երևանի կլիմայական պայմաններին համապատասխան բույսեր:
Աղբյուրներ՝
http://armlur.am/485905/
https://econews.am/?p=327&l=am
https://www.panorama.am/am/news/2014/06/12/green-yerevan-dream/265939
Write a comment